నవగ్రహస్తోత్రం
జపాకుసుమసంకాశం కాశ్యపేయం మహాద్యుతిమ్ ।
తమోఽరిం సర్వపాపఘ్నం ప్రణతోఽస్మి దివాకరమ్ ॥ ౧॥
దధిశఙ్ఖతుషారాభం క్షీరోదార్ణవసంభవమ్ ।
నమామి శశినం సోమం శమ్భోర్ముకుటభూషణమ్ ॥ ౨॥
ధరణీగర్భసంభూతం విద్యుత్కాన్తిసమప్రభమ్ ।
కుమారం శక్తిహస్తం తం మఙ్గలం ప్రణమామ్యహమ్ ॥ ౩॥
ప్రియఙ్గుకలికాశ్యామం రూపేణాప్రతిమం బుధమ్ ।
సౌమ్యం సౌమ్యగుణోపేతం తం బుధం ప్రణమామ్యహమ్ ॥ ౪॥
దేవానాం చ ఋషీణాం చ గురుం కాఞ్చనసంనిభమ్ ।
బుద్ధిభూతం త్రిలోకేశం తం నమామి బృహస్పతిమ్ ॥ ౫॥
హిమకున్దమృణాలాభం దైత్యానాం పరమం గురుమ్ ।
సర్వశాస్త్రప్రవక్తారం భార్గవం ప్రణమామ్యహమ్ ॥ ౬॥
నీలాంజనసమాభాసం రవిపుత్రం యమాగ్రజమ్ ।
ఛాయామార్తణ్డసంభూతం తం నమామి శనైశ్చరమ్ ॥ ౭॥
అర్ధకాయం మహావీర్యం చన్ద్రాదిత్యవిమర్దనమ్ ।
సింహికాగర్భసంభూతం తం రాహుం ప్రణమామ్యహమ్ ॥ ౮॥
పలాశపుష్పసంకాశం తారకాగ్రహమస్తకమ్ ।
రౌద్రం రౌద్రాత్మకం ఘోరం తం కేతుం ప్రణమామ్యహమ్ ॥ ౯॥
నరనారీనృపాణాం చ భవేద్దుఃస్వప్ననాశనమ్ ।
ఐశ్వర్యమతులం తేషామారోగ్యం పుష్టివర్ధనమ్ ॥
గ్రహనక్షత్రజాః పీడాస్తస్కరాగ్నిసముద్భవాః ।
తాః సర్వాః ప్రశమం యాన్తి వ్యాసో బ్రూతే న సంశయః ॥
॥ ఇతి శ్రీవ్యాసవిరచితం నవగ్రహస్తోత్రం సమ్పూర్ణమ్ ॥
Blogger Comment
Facebook Comment