Rudrabhisheka stotram from Mahabharata

॥ రుద్రాభిషేకస్తోత్రమ్ మహాభారతాన్తర్గతమ్ ॥

కృష్ణార్జునావూచతుః ।
నమో భవాయ శర్వాయ రుద్రాయ వరదాయ చ ।
పశూనాం పతయే నిత్యముగ్రాయ చ కపర్దినే ॥ ౫.౮౦.౫౫॥

మహాదేవాయ భీమాయ త్ర్యమ్బకాయ చ శాన్తయే ।
ఈశానాయ మఖఘ్నాయ నమోఽస్త్వన్ధకఘాతినే ॥ ౫.౮౦.౫౬॥

కుమారగురవే తుభ్యం నీలగ్రీవాయ వేధసే ।
పినాకినే హవిష్యాయ సత్యాయ విభవే సదా ॥ ౫.౮౦.౫౭॥

విలోహితాయ ధ్రూమ్రాయ వ్యాధాయానపరాజితే ।
నిత్యం నీలశిఖణ్డాయ శూలినే దివ్యచక్షుషే ॥ ౫.౮౦.౫౮॥

హోత్రే పోత్రే త్రినేత్రాయ వ్యాధాయ వసురేతసే ।
అచిన్త్యాయామ్బికాభర్త్రే సర్వదేవస్తుతాయ చ ॥ ౫.౮౦.౫౯॥

వృషధ్వజాయ ముణ్డాయ జటినే బ్రహ్మచారిణే ।
తప్యమానాయ సలిలే బ్రహ్మణ్యాయాజితాయ చ ॥ ౫.౮౦.౬౦॥


విశ్వాత్మనే విశ్వసృజే విశ్వమావృత్య తిష్ఠతే ।
నమోనమస్తే సేవ్యాయ భూతానాం ప్రభవే సదా ॥ ౫.౮౦.౬౧॥

బ్రహ్మవక్త్రాయ సర్వాయ శంకరాయ శివాయ చ ।
నమోస్తు వాచస్పతయే ప్రజానాం పతయే నమః ॥ ౫.౮౦.౬౨॥

అభిగమ్యాయ కామ్యాయ స్తుత్యాయార్యాయ సర్వదా ।
నమోఽస్తు దేవదేవాయ మహాభూతధరాయ చ ।
నమో విశ్వస్య పతయే పత్తీనాం పతయే నమః ॥ ౫.౮౦.౬౩॥

నమో విశ్వస్య పతయే మహతాం పతయే నమః ।
నమః సహస్రశిరసే సహస్రభుజమృత్యవే॥

సహస్రనేత్రపాదాయ నమోఽసఙ్ఖ్యేయకర్మణే । ౫.౮౦.౬౪॥

నమో హిరణ్యవర్ణాయ హిరణ్యకవచాయ చ ।
భక్తానుకమ్పినే నిత్యం సిధ్యతాం నో వరః ప్రభో ॥ ౫.౮౦.౬౫॥

సఞ్జయ ఉవాచ ।
ఏవం స్తుత్వా మహాదేవం వాసుదేవః సహార్జునః ।
ప్రసాదయామాస భవం తదా హ్యస్త్రోపలబ్ధయే ॥ ౫.౮౦.౬౬॥

॥ ఇతి శ్రీమన్మహాభారతే ద్రోణపర్వణి ప్రతిజ్ఞాపర్వణి 
అర్జునస్వప్నే అశీతితమోఽధ్యాయః ॥ ౮౦॥

Share on Facebook Share on Twitter Share on Google Plus

About https://vaidikagrandhanidhi.blogspot.com/

This is a short description in the author block about the author. You edit it by entering text in the "Biographical Info" field in the user admin panel.